Atyraýda jol apatynan eki adam mert bolyp, tórteýi aýrýhanaǵa tústi

<p>ATYRAÝ. KAZINFORM &ndash; Atyraý qalasynyń mańyndaǵy Damby aýylyna baratyn joldyń boıynda bir mezette tórt kólik soqtyǵysty. Jol apatynan eki adam mert bolyp, tórteýi aýrýhanaǵa jetkizilgen.&nbsp;</p>

Atyraý qalalyq polıtsııa basqarmasynyń málimetinshe, jol-kólik oqıǵasy saǵat 17:00 shamasynda bolǵan.

Atyraý-Damby tas jolynyń boıynda ornalasqan Kókarna aýylyndaǵy «Altyn qurylys» dúkeniniń mańynda birden tórt kólik – Toyota Prado, KamAZ, Kia jáne VAZ-2112 soqtyǵysty. Júk kóligi aýdarylyp qalǵan.

Jol-kólik oqıǵasynyń saldarynan VAZ-2112 kóliginiń júrgizýshisi men jasóspirim jolaýshy oqıǵa ornynda kóz jumdy. Osy kólikte otyrǵan kámeletke tolmaǵan úsh jasóspirim men áıel jedel járdem kóligimen oblystyq aýrýhanaǵa jetkizildi.

Eske sala ketelik, budan buryn Atyraý oblysynda qańtardan beri jol apatynan 10 adam qaza tapqanyn jazǵan bolatynbyz.