Atyraýda joǵarǵy qabattan qulaǵan 2 jasar bala jansaqtaý bólimine tústi

<p>ATYRAÝ. KAZINFORM — Búgin Atyraý qalasynda taǵy bir turǵyn úıdiń joǵarǵy qabatynan qulady. Qazir 2 jasar bala aýrýhananyń jansaqtaý bóliminde jatyr.</p>

Atyraý oblystyq densaýlyq saqtaý basqarmasynyń baspasóz qyzmetinen málim etkendeı, oqıǵa búgin, 26 qyrkúıekte bolǵan. 

«Túski saǵat 12:43–te jedel járdem stansasynyń dıspetcherlik pýltine kishkentaı balanyń terezeden qulaýyna baılanysty shaqyrtý tústi. Jedel járdem „Modern Sıtı“ turǵyn keshenindegi 15g úıdiń terezesinen qulaǵan balany oblystyq balalar aýrýhanasyna jetkizdi. Jaraqat alǵan bala 2022 jyly týǵan. Balanyń jaǵdaıy óte aýyr. Qazir aýrýhananyń jansaqtaý bóliminde jatyr», -dep habarlady basqarmanyń baspasóz qyzmeti.

Eske sala ketelik, budan buryn Atyraýda kópqabatty úıdiń terezesinen qulaǵan 3 jasar sábıdiń jaǵdaıy aýyr ekenin habarlaǵan edik. 

Sondaı-aq, Atyraýda jyl basynan beri 9 bala terezeden qulap, ekeýi kóz jumǵanyn jazǵan bolatynbyz.