Atyraýda joǵalǵan úsh adamdy izdeýge tikushaq tartyldy

<p>Atyraý oblysynda keshe joǵalyp ketken úsh adam tikushaqpen izdestirilip jatyr, dep​ habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

Oblystyq tótenshe jaǵdaılar departamenti qoǵammen baılanys tobynyń málimetinshe, úsh adam 9 qańtarda saǵat 11:00 shamasynda «Toyota» markaly avtokóligimen​ jolǵa shyǵyp, habar-osharsyz ketken.

Foto: Atyraý oblystyq TJD

«Úsh adam Maqat aýdanyndaǵy Dossor kentinen Qyzylqoǵa aýdanynyń Qarabaý aýylyna qaraı jolǵa shyǵyp, túnge deıin oralmaǵan. Telefon baılanysy joq. Bul týraly búgin,​ 10 qańtarda saǵat 00:00-de joǵalǵan adamdardyń týystary Atyraý oblystyq TJD aýmaqtyq bólimshesine habar berdi»,- dep habarlady departamenttiń qoǵammen baılanys toby.

Foto: Atyraý oblystyq TJD

Qazir​ Atyraý oblysynyń TJD kúshteri joǵalǵan 1984, 1986 jáne 1996 jylǵy​ úsh adamdy izdestirip jatyr. Búgin 10 qańtarda saǵat 13:26-da izdestirý-qutqarý jumystaryna «QazAvıaQutqarý» AQ-nyń MI-8 tikushaǵy tartyldy. Tikushaq bortynda TJD-nyń 4 qyzmetkeri, joǵalǵandardyń týystary men​ ekıpajdyń 5​ múshesi bar.

Foto: Atyraý oblystyq TJD