Atyraýda jeńil kólik aýdarylyp, 21 jastaǵy jolaýshy kóz jumdy

<p>Atyraý qalasynda jeńil kólik aýdaryldy. Jol-kólik oqıǵasynan kóliktiń salonynda bolǵan jas jigit kóz jumdy, dep habarlaıdy <a href="Kazinform" target="_blank" rel="noopener">Kazinform.</a></p>

Oblystyq polıtsııa departamentiniń baspasóz qyzmeti málim etkendeı, jol-kólik oqıǵasy 9 qarashada bolǵany tirkelgen.

«Jergilikti ýaqytpen saǵat 00:24 shamasynda S.Beıbarys jáne Ábilqaıyrhan dańǵylynyń qıylysynda Hyundai Accent avtokóligi aýdaryldy. Jol-kólik oqıǵasyna ushyraǵan kóliktiń rólinde 2003 jylǵy júrgizýshi bolǵany anyqtaldy. Al, jol apatynyń saldarynan 2002 jylǵy jolaýshy túrli dene jaraqatyn aldy. Zardap shekken jolaýshy oqıǵa ornynda kóz jumdy», - dep habarlady departamenttiń baspasóz qyzmetinen. 

Qazir atalǵan jol-kólik oqıǵasyna baılanysty tekserý júrip jatyr. Qajetti qujattardy jınaý qolǵa alyndy. 

Eske sala ketelik, budan buryn Atyraýda kólik qaqqan 6 jasar jasóspirimge ota jasalǵanyn habarlaǵan bolatynbyz.