Atyraýda jekemenshik balabaqshanyń qyzmetkeri balany basynan urǵan

<p>ATYRAÝ. KAZINFORM &mdash; Atyraýda jekemenshik balabaqshanyń qyzmetkeri erekshe balany basynan urǵan. Qazir bul derekke qatysty tergeý bastaldy.&nbsp;</p>

Jergilikti belsendi Nurlan Jýnasov áleýmettik jelidegi paraqshasynda balabaqsha qyzmetkeriniń balany basynan urǵany túsirilgen vıdeony júktedi.

Vıdeodaǵy teris áreket turǵyndardyń renishin týdyrdy. Turǵyndar túrli pikirin qaldyrdy.
Atyraý qalalyq bilim bóliminiń málimetinshe, oqıǵa «Dara-ınklıý» jekemenshik balabaqshasynda bolǵan.

«Qazir atalǵan oqıǵa boıynsha quzyrly organdar tergep-tekserý amaldaryn júrgizýdi qolǵa aldy. Qalalyq bilim bóliminiń janynan qyzmettik tekserý bolady. Anyqtaý jumystary júrip jatyr. Oqıǵa bólim basshysynyń qatań baqylaýyna alyndy. Tekserý qorytyndysymen zań sheńberinde tártiptik shara qarastyrylady», - dep habarlady qalalyq bilim bóliminen.

Al, Atyraý qalalyq polıtsııa basqarmasynyń aqparatyna qaraǵanda, atalǵan derekke qatysty tekserý-tergeý áreketteri bastalǵan. Ózge aqparat tergeý múddesine sáıkes jarııalaýǵa jatpaıdy.

Eske sala ketelik, budan buryn Atyraýda bir aıda daǵdarys ortalyǵyna 4 áıel men 11 bala ornalastyrylǵanyn habarlaǵan bolatynbyz.