Atyraýda jedel járdem stansasyndaǵy aqparattyq júıeniń aqaýy tekseriledi

<p>Atyraýda jedel járdem stansasyndaǵy aqparattyq júıede aqaý shyǵyp, turǵyndar renishin týdyrdy. Osyǵan oraı jedel járdem stansasyndaǵy aqparattyq júıeni tekserý bastalady, dep habarlaıdy <a href="Kazinform" target="_blank" rel="noopener">Kazinform</a>.</p>

Atyraý oblystyq jedel járdem stansasynda «Kómek» baǵdarlamasynda aqaý shyqqan. Sol sebepten, jedel járdem brıgadasy shaqyrtýǵa mezgilinde jete almaǵan. Al, turǵyndardan shaǵym kóp túsken.

Osyǵan baılanysty Atyraý oblysy ákiminiń orynbasary Jasulan Bısembıev aqparattyq júıedegi aqaý tekseriletinin málim etti.

«Jedel járdem aqparattyq júıesiniń jumys istemeýi týraly habarlamalarǵa baılanysty resmı tekserý taǵaıyndalady. Bul tekserý jedel járdem stansasy men «Kómek» aqparattyq júıesin paıdalaný jónindegi tsıfrlandyrý ortalyǵynyń qyzmetin taldaýǵa baǵyttalatyn bolady. Tekserý júrgizýdiń qorytyndysy boıynsha anyqtalǵan kemshilikterdi joıý jáne júıeniń jumysyn ońtaılandyrý úshin qajetti sharalar qabyldanady», - dep habarlady Jasulan Bısembıev.

Eske sala ketelik, budan buryn Atyraýda bir táýlikte 30 sábı ómirge kelgenin habarlaǵan bolatynbyz.