Atyraýda Jaıyq ózeniniń jaǵalaýynan 160 tonna topyraq salynǵan qap jınaldy

<p>ATYRAÝ. KAZINFORM &ndash; Búgin Atyraýda &laquo;Taza Qazaqstan&raquo; aktsııasy aıasynda senbilik ótti. Senbilikke qatysqan atyraýlyqtar Jaıyq ózeniniń jaǵalaýynan 160 tonna topyraq salynǵan qapshyqtardy jınady.</p>

Atyraý oblysynyń jedel shtabynyń málimetinshe, 7 sáýirde jarııalanǵan tabıǵı sıpattaǵy tótenshe jaǵdaı áli saqtalyp otyr. 

Al, oblys ákiminiń orynbasary Jasulan Bısembıevtiń aıtýynsha, Jaıyq ózeniniń jaǵalaýyna tóselgen qum toltyrylǵan qapshyqtardy bir aptada jınaý kózdelgen. 

«Qazir ózen jaǵalaýy 16 ýchaskege bólindi. Ár ýchaskege jaýapty mamandar men mekemeler bekitildi. Bul tájirıbe tıimdiligin kórsetti. Endi ýaqytty tıimdi paıdalanyp, jaǵalaýdaǵy qaptardy alyp, aýmaqty tazalaýymyz qajet. Jumys bir apta ishinde aıaqtalýǵa tıis», - deıdi Jasulan Bısembıev.

Máselen, «Atyraý Jaryq» AQ-dan senbilikke 160 adam qatysty. Kompanııa 3 ekskavator, 2 KamAZ, 1 júk kóligin bólgen. 

Búgin «Taza Qazaqstan» aktsııasyna qatysýshylar Jaıyq ózeniniń jaǵalaýynan 160 tonna topyraq toltyrylǵan qapshyqtardy jınady. Inertti materıal qumdy karerlerge qaıta tógildi.

«Taza Qazaqstan» aktsııasy Atyraý oblysynyń bes aýdanynda da ótti. 

Eske sala ketelik, budan buryn Atyraýda Jaıyq ózeniniń jaǵalaýynan qum toltyrylǵan qapshyqtar alynyp jatqanyn habarlaǵan bolatynbyz.