Atyraýda Jaıyq ózenine túsip ketken eki jasóspirim qutqaryldy

<p>ATYRAÝ. KAZINFORM &ndash; Atyraý qalasynda eki jasóspirim Jaıyq ózenine túsip ketken. Jasóspirimderdi polıtseıler men tótenshe jaǵdaı departamentiniń súńgýirleri qutqaryp qaldy.</p>

Oblystyq tótenshe jaǵdaılar departamentiniń qoǵammen baılanys tobynan málim etkendeı, oqıǵa búgin, 7 naýryzda saǵat 18:30 shamasynda bolǵan. 

Jasóspirimderdiń Jaıyq ózenindegi muz oıyǵyna túsip ketkenin aldymen Atyraý qalalyq polıtsııa basqarmasy patrýldik polıtsııa batalonynyń qyzmetkerleri baıqap qalǵan. Polıtseıler jasóspirimderge arqan jetkizip, qutqarýǵa tyrysqan. 

Foto: Atyraý oblystyq TJD

Oqıǵa ornyna oblystyq tótenshe jaǵdaılar departamentiniń súńgýirleri jetip, jasóspirimder jaǵaǵa shyǵaryldy. Jasóspirimderge alǵashqy medıtsınalyq kómek kórsetildi.

Keıin Jaıyq ózenine túsip ketken jasóspirimderdiń ekeýi de 2007 jylǵy ekeni anyqtalǵan. 

«Sý aıdyndaryndaǵy muz kúrtik qardyń astyndaǵy oıyq kórinbeıdi. Jaǵalaýda, jarqabaqtar men jylǵalardyń quıylysy juqaryp, erýine baılanysty adam ómirine qaýip tóndiretinin eskerý kerek», - dep habarlady departamenttiń qoǵammen baılanys toby. 

Eske sala ketelik, budan buryn jol apatynan zardap shekken úsh jasóspirimniń ekeýi jansaqtaý bóliminde jatqanyn habarlaǵan edik.