Atyraýda Jaıyq ózenine batyp ketken kólikte eki adam bolǵan

<p>Atyraýda Jaıyq ózenine batyp ketken Niva kóliginde eki er adamnyń bolǵany anyqtalǵan. Olardyń ekeýi de kóz jumdy, dep&nbsp; habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atyraý oblystyq polıtsııa departamentiniń baspasóz qyzmetinen málim etkendeı, 17 qazanda ýchaskelik polıtsııa ınspektory Jaıyq ózenine baǵyt alǵan avtokólik izi baryn habarlaǵan.

«Atyraý oblystyq tótenshe jaǵdaılar departamentiniń qyzmetkerleri Jaıyq ózenine batyp ketken Niva avtokóligin shyǵardy. Kóliktiń salonynda eki er adamnyń bolǵany anyqtaldy. Olar mert bolǵan. Onyń biri 1971, ekinshisi 1981 jyly týǵan. Marqumdarda dene jaraqaty anyqtalǵan joq, - dep habarlady departamenttiń baspasóz qyzmeti.

Polıtsııa qyzmetkerleri beınekameralardyń jazbasyna tekserý júrgizgen. Beınekameraǵa 16 qazanda túngi saǵat 23:18 shamasynda atalǵan kóliktiń joǵary jyldamdyqpen Jaıyq ózenine batqany týraly vıdeo túskeni anyqtalǵan.

Qazir polıtsııa qyzmetkerleri atalǵan oqıǵaǵa baılanysty tekserý júrgizip jatyr. Múrdelerge sot medıtsınalyq saraptamasy taǵaıyndaldy.

Eske sala ketelik, budan buryn Atyraýda 32 jastaǵy júrgizýshi 3 adamdy qaǵyp ketkenin habarlaǵan bolatynbyz.

Polıtsııanyń málimetinshe, oqıǵa kúndiz bolǵan. Atyraý qalasyndaǵy Azattyq dańǵylynyń boıynda 1991 jylǵy júrgizýshi Opel Astra avtokóligimen 3 jaıaý júrginshini qaǵyp ketti. Zardap shekken 1967 jáne 1980 jylǵy eki er adam men 1998 jylǵy áıel jedel járdem kóligimen oblystyq aýrýhanaǵa jetkizildi. Dárigerlerdiń tekserýinen keıin eki er adam aýrýhanaǵa jatqyzyldy.