Atyraýda Jaıyq ózeni mańyndaǵy saıajaı turǵyndaryna kóshý usynyldy

<p>ATYRAÝ. KAZINFORM &ndash; Atyraý qalasynda Jaıyq ózeni mańyndaǵy saıajaı turǵyndaryna kóshý usynyldy.</p>

Atyraý qalasyndaǵy Qaıyrshaqty aýyldyq okrýginiń ákimi Shaphat Qalıev birneshe saıajaı qaýymdastyǵynyń turǵyndaryna kóshý týraly hat joldaǵan. Hatta Jaıyq ózeni sýynyń kóterilýine baılanysty kóshý qajettigi aıtylǵan. 

Keıin bul hat áleýmettik jelide tarap, turǵyndar alańdaýshylyq bildirdi. Osyǵan oraı Atyraý oblysynyń jedel shtaby túsinik berdi. 

«Áleýmettik jelide Qaıyrshaqty aýyldyq okrýginiń ákimi Shaphat Qalıevtyń atynan joldanǵan hat tarady. Bul hat shynynda da «Kolos», «Munaı óńdeýshi», «AtyraýMunaıQazGeologııa» baý-baqsha seriktestikterine jiberilgen. Atalǵan saıajaılar qorǵanysh syzyǵynan tys jerde, Jaıyq ózeniniń jaıylmasynda ornalasqan. Munda topyraq erozııasynyń yqtımaldyǵy joǵary. Jaǵany qorǵaý shahtalarynyń qurylysy múmkin emes. Osyǵan baılanysty atalǵan baý-baqsha seriktestikteriniń ıelerine habar jiberildi», -dep habarlady oblystyq jedel shtabtan.

Eske sala ketelik, budan buryn Serik Shápkenov Jaıyq ózeniniń sýy Atyraý qalasyna qaı tustan kirýi múmkin ekenin aıtqan edi. 

Keıin Atyraýda Bereke, Almaly, Besikti aýyldaryn sý basýy múmkin ekenin habarlaǵan bolatynbyz.