Atyraýda jasóspirimder tóbelesinen keıin qylmystyq is qozǵaldy

<p>Atyraýda jasóspirimder arasyndaǵy ózara kelispeýshiliktiń sońy tóbeleske ulasqan. Polıtsııa qyzmetkerleri osyǵan baılanysty qylmystyq is qozǵap, sotqa deıingi tergeý bastaldy, dep habarlaıdy Kazinform.</p>

Oblystyq polıtsııa departamenti baspasóz qyzmetiniń aqparatyna qaraǵand, tóbeles 11 qańtarda Atyraý qalasyndaǵy «Avangard» shaǵyn aýdanynda bolǵan.

Jasóspirimder arasyndaǵy tóbeles týraly áleýmettik jelide vıdeo tarady. Vıdeoda bir jasóspirimniń qolynda pyshaqqa uqsas zat bolǵany aıtylǵan.

«Atyraý qalalyq polıtsııa basqarmasynyń qyzmetkerleri áleýmettik jelidegi tóbeleske qatysqandardyń bárin ustady. Jasóspirimder polıtsııa basqarmasyna jetkizilip, kelispeýshiliktiń mán-jaıy tekserildi. Alǵashynda 2007 jáne 2009 jylǵy jasóspirimderdiń arasynda ózara kelispeýshilik oryn alǵan. Sol kezde 2007 jylǵy ul ózinen eki úlken jasóspirimniń betinen soqqan. Sodan keıin taıaq jegen bala óziniń 2007, 2007, 2006, 2009 j.ylǵy dostaryn shaqyryp, 2007 jylǵy jasóspirimdi belgisiz zatpen birneshe márte urǵany anyqtaldy», - dep habarlady departamenttiń baspasóz qyzmeti.

Atyraý qalasynyń polıtsııa basqarmasynyń qymetkerleri QR Qylmystyq kodeksiniń 293-babynyń 1-bólimi 2-tarmaǵymen qylmystyq is qozǵady. Qazir sotqa deıingi tergeý jumystary bastaldy.

Eske sala ketelik, buǵan deıin Atyraýda kolledjdiń birinshi kýrsynda oqıtyn stýdent soqqyǵa jyǵylǵanyn jazǵan bolatynbyz.