Atyraýda janjal kezindegi kisi ólimine qatysy bar kúdikti qamaýǵa alyndy

<p>ATYRAÝ. KAZINFORM &ndash; Atyraýda janjal kezindegi kisi ólimine qatysy bar kúdikti ustaldy. Qazir kúdikti ýaqytsha ustaý ızolıatoryna qamaýǵa alyndy.&nbsp;</p>

Atyraý qalasynda bolǵan janjal baqylaý kamerasyna túsip qalǵan. Áleýmettik jelide janjal týraly vıdeo tarady. Bul derekti Atyraý oblystyq polıtsııa departamentiniń baspasóz qyzmeti rastady.

«Atalǵan derekke baılanysty qylmystyq is qozǵalyp, tergeý bastaldy. Kúdikti ustalyp, ýaqytsha ustaý ızolıatoryna qamaýǵa alyndy», - dep habarlady departamenttiń baspasóz qyzmeti. 

Janjal kezinde dene jaraqatyn alǵan jábirlenýshi aýrýhanada jetkizilgen. Alaıda, ol dene jaraqatynyń saldarynan aýrýhanada qaıtys bolǵan. 

«Sot-medıtsınalyq saraptama taǵaıyndaldy. Ózge aqparat tergeý múddesine sáıkes jarııalaýǵa jatpaıdy», - dep málim etti departamenttiń baspasóz qyzmetinen.

Eske sala ketelik, buǵan deıin Atyraýda burynǵy áıelin jýyný bólmesinde jasyryn vıdeoǵa túsirip, bopsalaǵan er adam sottalǵanyn habarlaǵan edik.