Atyraýda jańadan 40 mektep paıdalanýǵa beriledi

<p>Atyraý qalasynda jańadan 14 mekteptiń qurylysy salynyp jatyr. Aldaǵy jyldary taǵy 26 mektepti salý jospary bar, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atyraý oblysy ákiminiń orynbasary Jasulan Bısembıevtiń aıtýynsha, atalǵan mektepter 2025-2026 jylǵa deıin paıdalanýǵa beriledi.

«Qazir 14 mekteptiń qurylysy júrip jatyr. Taǵy 26 mekteptiń nysanyn salý jospary bar. Jańa mektepterdiń keıbiriniń jobasyn daıyndaý aıaqtaldy. Al keıbiriniń jobasy endi bastalyp jatyr. Bul mektepterdiń qurylysyn salý 2025-2026 jylǵa deıin iske asyrylady» – deıdi Jasulan Bısembıev.

Ákimniń orynbasary bilim salasyndaǵy negizgi problemalarǵa atady. Bul – úsh aýysymdyq, apatty jaǵdaıda turǵan bilim ordalary, ǵımarattardyń sapasyzdyǵy, materıaldyq-tehnıkalyq quraldardyń jetispeýshiligi.

«Biz osyndaı problemalardy sheshýge tyrysyp otyrmyz. Mektepter qurylysyna bıýdjetten qaralǵan tıisti qarajat bar. Biraq keıbir qurylys nysandarynyń jumysy kesheýildep jatyr. Bul ádette «Memlekettik satyp alý týraly» zań talaptaryna baılanysty bolyp otyr. Qurylys nysandarynyń 30 paıyzynda merdigerler tarapynan problema týyndaıdy. Merdigerler konkýrstan 5-10 nysannyń qurylysyn salýdy utyp alady. Keıin qurylys salý kezinde úlgere almaıdy. Keıde qarajatty jetkize almaıdy. Tipti qurylysty tastap ketetin merdigerler bar. Keıbir merdigerlerdiń jumysyna baılanysty sot protsesi bastalady. Osyndaı problemanyń saldarynan josparlanǵan jumystar merziminde aıaqtalmaı qalady», - dep málim etti Jasulan Bısembıev.

Eske sala ketelik, budan buryn Atyraýda shatyry tesik mekteptiń ǵımaraty buzylatynyn jazǵan edik.