Atyraýda zańsyz oıyn bıznesin uıymdastyrý deregi áshkerelendi

<p>ATYRAÝ. KAZINFORM &mdash; Atyraýda zańsyz oıyn bıznesin uıymdastyryp, kóleńkeli kásipten tabys tapqandar anyqtaldy.&nbsp;</p>

Atyraý oblystyq ekonomıkalyq tergep-tekserý departamentiniń shtab bastyǵy Bekbolat Ánesovtiń aıtýynsha, oblystyq prokýratýranyń úılestirýimen jedel-izdestirý is-sharasy júrgizilgen.

«Atyraý qalasynda 2023 jyldyń mamyr aıynan osy kezge deıin zańsyz oıyn bıznesin uıymdastyrý deregin anyqtaldy. Munda poker oıyny oınatylǵan nysanǵa tintý júrgizildi. Meken-jaıdan 440 dana poker fıshkasy, 294 dana oıyn kartasy, oıyn tósenishteri, uıaly telefondar men 2 mln 660 000 teńge aqsha qarajaty, basqa da is úshin mańyzdy zattar alyndy», - dep habarlady Bekbolat Ánesov.

Qazir kúdiktilerge qatysty QR Qylmystyq kodeksiniń 307-babynyń 1-bóligimen (Zańsyz oıyn bıznesin uıymdastyrý) qylmystyq is tirkeldi. Sotqa deıingi tergep-tekserý júrgizilip jatyr.

«Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy. QR Konstıtýtsııasynyń 77-baby 3-tarmaǵynyń 1-tarmaqshasyna sáıkes adamnyń kináli ekendigi zańdy kúshine engen sot úkimimen tanylǵansha ol jasalǵan qylmysqa kináli emes dep esepteledi», - dep málim etti Bekbolat Ánesov.

Eske sala ketelik, budan buryn Atyraýda zańsyz oıyn bıznesin uıymdastyrǵan áıeldiń bas bostandyǵy shektelgenin habarlaǵan bolatynbyz.