Atyraýda zańsyz balyq aýlaǵan brakonerler mototsıklin tastap qashyp ketken

<p>ATYRAÝ. KAZINFORM &ndash; Atyraýda brakonerler Jaıyq ózeniniń Kaspıı teńizinen quıar saǵasynan zańsyz balyq aýlaǵan. Reıd kezinde olar mototsıklin tastap qashyp ketken.&nbsp;</p>

Jaıyq-Kaspıı oblysaralyq basseındik balyq sharýashylyǵy ınspektsııasynyń ókili Oleg Týshkanovtyń aıtýynsha, ınspektorlar 10 qańtarda Jaıyq ózeniniń Kaspıı teńizine shyǵar tusynda «Ýral» mototsıkli toqtatpaq bolǵan. Alaıda mototsıkldi júrgizýshisi qamysqa qaraı burǵan. 

– Bul – zańsyz balyq aýlaýshylardyń kóligi. Ondaǵy adamdar qamys arasyna kirgen soń mototsıkldi tastap, qashyp ketti. Tekserý kezinde mototsıklden jalpy salmaǵy 17 keli ár túrli balyq tabyldy. Zańsyz aýlanǵan balyq «Tilekshi» JShS-ǵa saqtaýǵa tapsyryldy, - dep habarlady Oleg Týshkanov. 

Foto: Jaıyq-Kaspıı oblysaralyq basseındik balyq sharýashylyǵy ınspektsııasy

Onyń deregine qaraǵanda, atalǵan derekke qatysty QR Ákimshilik quqyq buzýshylyq týraly kodeksiniń 383-babynyń 3-bóligimen ákimshilik hattama toltyrylǵan. Al ıesiz qalǵan mototsıkl avtoturaqqa qoıylǵan. 

– Mototsıkl ıesi men onymen bolǵan quqyq buzýshylardy tabý úshin quqyq qorǵaý organdaryna habar berildi. Zańsyz balyq aýlaýshylar ákimshilik jaýapkershilikke tartylady, - dep málim etti Oleg Týshkanov. 

Eske sala ketelik, buǵan deıin yltyr batystaǵy 3 oblysta brakonerlerge 29,2 mln teńge aıyppul salynǵanyn habarlaǵan bolatynbyz.