Atyraýda zańsyz aınalymnan 14 697 tonna munaı, 30 668 lıtr alkogol alynǵan

<p>Atyraý oblysynda jyl basynan beri zańsyz aınalymnan 14 697 tonna munaı, 30 myń 668 lıtr alkogol ónimi alyndy. Sondaı-aq 1 mln 142 myń 806 qorap temeki tárkilengen, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atyraý oblystyq memlekettik kirister departamentiniń baspasóz qyzmetinen málim etkendeı, bıyl aktsızdeletin ónimderdiń zańsyz aınalymyn anyqtaý jáne jolyn kesý maqsatynda birneshe is-shara júrgizilgen.

«Máselen, jeltoqsan aıynda sondaı is-sharalardyń nátıjesinde alkogol ónimderin memlekettik lıtsenzııasyz jáne temeki ónimderin esepke-alý baqylaý markalarynsyz, sáıkestendirýge kelmeıtin úlgide zańsyz jolmen satýmen aınalysqan tulǵalar anyqtaldy. Bir aıda zańsyz aınalymnan 1 222 bótelke alkogol, 311 qorap temeki ónimderi alyndy. Osyǵan baılanysty jınaqtalǵan is materıaldary ári qaraı sheshim shyǵarý úshin ákimshilik sotyna joldandy», - dep habarlady departamenttiń baspasóz qyzmeti.

Eske sala ketelik, budan buryn Atyraýda zańsyz aınalymnan 6,7 mln teńgeniń temeki ónimderi alynǵanyn habarlaǵan bolatynbyz.

Atyraý qalasyndaǵy qoımalar men dúkenniń birine tekserý júrgizilgen. Tekserý barysynda elektrondyq temeki, veıp-qurylǵylar jáne olarǵa suıyqtyq túrindegi 2,5 myńnan astam zańsyz temeki buıymdary anyqtaldy. Zańsyz aınalymnan alynǵan temeki óniminiń naryqtyq quny shamamen 6,7 mln teńge bolǵan.