Atyraýda iz-túzsiz joǵalǵan 23 jastaǵy boıjetkendi Jaıyq ózeninen izdep jatyr
Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, keshe, 22 qazanda polıtsııa departamentinen joǵalǵan boıjetkendi izdeý týraly shaqyrtý berilgen.
«Jergilikti qutqarýshylar joǵalyp ketken boıjetkendi sý astynan izdeýge keshe, tańerteń saǵat 07:00-de kiristi. Іzdestirý jumysy Jaıyq ózeniniń Mahambet aýdanyndaǵy Taldykól aýylynyń tusynda júrgizilip jatyr. Oǵan jedel-qutqarý jasaǵynyń 5 quqarýshysy men 2 qaıyq tartyldy», - dep habarlady departamenttiń qoǵammen baılanys tobynan.
Búgin oblystyq polıtsııa departamentiniń baspasóz qyzmeti 23 jastaǵy boıjetkenniń iz-túzsiz joǵalýyna baılanysty eki kúdikti ustalǵanyn habarlady.
«Adam urlaý jáne adam óltirý baptarymen qylmystyq is tirkeldi. Polıtsııa qyzmetkerleri keshendi tergeý amaldaryn júrgizýdi bastady. Osyǵan baılanysty eki kúdikti ustalyp, ýaqytsha ustaý ızolıatoryna qamaýǵa alyndy. Ózge aqparat tergeý múddesine sáıkes jarııalaýǵa jatpaıdy», - dep málim etti departamenttiń baspasóz qyzmetinen.
Eske sala ketelik, budan buryn Atyraýda 23 jastaǵy boıjetkendi 3 kúnnen beri izdep jatqanyn jazǵan edik.
Іz-túzsiz joǵalǵan boıjetken ıAna Legdokımova 2001 jyly dúnıege kelgen. Ol Atyraý qalasynyń Avangard-2 shaǵyn aýdanyndaǵy kópqabatty úıde turǵan. Páterinen 18 qazan kúni keshki saǵat 22:00 shamasynda shyǵyp, keri oralmaǵan.