10:54, 01 Qazan 2025

Atyraýda ustalǵan UQK qyzmetkeri isi boıynsha tergeý jalǵasyp jatyr

ATYRAÝ. KAZINFORM — Buǵan deıin birqatar buqaralyq aqparat quralynda Atyraý qalasynyń irgesindegi Erkinqala aýylynda Ulttyq qaýipsizdik komıtetiniń 32 jastaǵy jedel ýákili ustalǵany týraly aqparat taraǵan bolatyn. Belgili bolǵandaı, ony esirtki bıznesine qarsy kúres basqarmasynyń qyzmetkerleri ustaǵan.

Foto: Vıktor Fedıýnın / Kazinform

Ashyq derekkózderge sáıkes, tintý barysynda kúdiktiniń qaltasynan jáne avtokóliginen salmaǵy 1 kılogrammnan asatyn untaq zat tabylǵan.

Atalǵan jaıtqa baılanysty Kazinform agenttigi resmı saýal joldap, mán-jaıdy naqtylaýǵa tyrysty.

— Kórsetilgen fakti boıynsha sotqa deıingi tergeý amaldary júrgizilip jatyr. Sonymen qatar Qylmystyq-protsestik kodekstiń 201-baby 1-tarmaǵyna sáıkes, ózge aqparat jarııalaýǵa jatpaıdy, — delingen UQK-niń resmı jaýabynda.

Eske sala keteıik, nashaqorlyq pen esirtki bıznesine qarsy kúres jónindegi keshendi jospar qabyldandy.

Sonymen qatar SQO-da bıyl esirtki saýdasymen ustalǵandardyń deni 25 jasqa deıingi jastar ekenin jazǵanbyz.

Atyraý Atyraý oblysy QR UQK

Tastan Toıanov

Abylaı han atyndaǵy Qazaq halyqaralyq qatynastar jáne álem tilderi ýnıversıtetinde jýrnalıstıka mamandyǵy boıynsha bilim alǵan. Túrli aqparattyq platformalarda qyzmet etti. Qazirgi ýaqytta Kazinform halyqaralyq aqparat agenttiginiń tilshisi.