Atyraýda usha almaı qalǵan sybyrlaq aqqý tabıǵı ortaǵa jiberildi

<p>ATYRAÝ. KAZINFORM &ndash; Atyraýda kúzgi mıgratsııa kezinde sybyrlaq aqqý usha almaı qalǵan. Arnaıy mamandar qusty tekserip, tabıǵı ortaǵa jiberdi.</p>

Atyraý oblystyq orman sharýashylyǵy jáne janýarlar dúnıesi ınspektsııasynyń aqparatyna súıensek, jergilikti turǵyn qustyń usha almaı qalǵan qus týraly habar bergen.

– Atyraý qalalyq ákimdigine qarasty Almaly aýyly turǵynynyń aıtýynsha, aqqýǵa uqsas qus mıgratsııa kezinde qonyp, qaıta usha almaı qalǵan. Osyǵan baılanysty ınspektsııa mamandary jedel jumys júrgizip, qustyń sybyrlaq aqqýdyń jas daraǵy ekenin anyqtady. Qusta eshqandaı jaraqat ta, basqa aýrý túri de joq, - dep habarlady atalǵan ınspektsııadan.

Sybyrlaq aqqýdy tabıǵı ortasyna jiberý jumysyn júrgizýge ınspektsııasynyń bas mamandary A.Maratuly men S.Maqý, «Aqjaıyq» memlekettik tabıǵı rezervatynyń ornıtology I.Bofonov qatysqan.

Eske sala ketelik, buǵan deıin Atyraý oblysynda 84 kıik ólgenin, biraq eti satylyp jatpaǵanyn jazǵan edik.