Atyraýda tutynýshynyń aqshasyn qumar oıynǵa jumsaǵan áıel sottaldy

<p>ATYRAÝ. KAZINFORM &ndash; Atyraý soty tutynýshynyń aqshasyn qumar oıynǵa jumsaǵan áıeldi 4 jylǵa bas bostandyǵynan aıyrýǵa úkim shyǵardy. Alaıda, sottalýshynyń kámeletke tolmaǵan balalary bolǵandyqtan, jazany óteý merzimi 3 jylǵa keıinge qaldyryldy.&nbsp;</p>

Atyraý qalasyndaǵy №2 sottta QR Qylmystyq kodeksiniń 190-babynyń 1-bóligimen (Alaıaqtyq, ıaǵnı bótenniń múlkin jymqyrý nemese aldaý nemese senimdi teris paıdalaný jolymen bóten múlikke quqyqty ıemdený) azamatsha G.-ǵa qatysty qylmystyq is qaraldy.

«Sottalýshy G. óziniń atyna jeke kásipkerlikti tirkep, Atyraý qalasynyń aýmaǵynda maılyq súrtindisin jáne balalarǵa arnalǵan jórgekter satýmen aınalysqan. ️Jábirlenýshiniń senimine kirip, «Kaspıı Gold» qosymshasy arqyly aqsha aýdarǵannan keıin oǵan taýardy jetkizetinine sendirgen. Aqshany alǵan soń tutynýshyny aldap, óz mindettemesin oryndamaǵan. Aqshany qumar oıyndaryna jumsap, jábirlenýshige 500 myń teńge kóleminde zalal keltirgen», - dep habarlady atalǵan sottan.

Sot úkimimen G. taǵylǵan aıyp boıynsha kináli dep tanyldy. Oǵan 4 jyl merzimge bas bostandyǵynan aıyrý túrindegi jaza taǵaıyndaldy. Sottalýshynyń asyraýynda 4 kámeletke tolmaǵan balanyń baryna baılanysty úkimniń oryndalýy 3 jyl merzimge keıinge qaldyryldy.
Sot úkimi zańdy kúshine endi.

Eske sala ketelik, budan buryn Atyraýda alaıaqtyqqa baılanysty 300-ge jýyq qylmystyq is sotqa joldanǵanyn habarlaǵan edik.

Sondaı-aq, úsh jylǵa sottalǵan atyraýlyqtyń jazasy bas bostandyǵyn shekteýge aýystyryldy.