Atyraýda turǵyndy azaptaǵan polıtseıler sottaldy

<p>Atyraýda jumys kabınetinde turǵyndy&nbsp; uryp, tunshyqtyrǵan polıtseıler sottaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atyraý qalasynyń №2 sotynda azaptaý jáne azaptaýǵa járdemdesý aıybymen 5 polıtsııa qyzmetkerine qatysty qylmystyq is qaraldy.

«Polıtsııa qyzmetkerleri A., M. jáne J. jumys kabınetinde qylmysty ashý, polıtsııa bólimine jetkizilgen azamat K.-ny uryp-soǵyp, tunshyqtyrǵan. Sóıtip, jábirlenýshige tán azabyn keltirgen. Sol qyzmettik kabınette bolǵan S. men T. azaptaýdy toqtatpaı, áreketsizdik tanytý arqyly azaptaýǵa járdemdesken», - dep habarlady sottyń baspasóz qyzmeti.

Sottalýshylardyń kinási jábirlenýshiniń, kýálardyń aıǵaqtarymen, qalalyq polıtsııa bólimi ǵımaratynan alynǵan beınejazbalarmen, zattaı dáleldemelermen, sot-medıtsınalyq, sot-molekýlıarlyq-genetıkalyq, sot-psıhologııalyq-psıhıatrııalyq saraptamalardyń qorytyndylarymen dálellengen.

Sot sottalýshylar A., M., J.-ny QR Qylmystyq kodeksiniń 146-babynyń 2-bóliginiń 1-tarmaǵy (Azaptaý) S. men T.-ny 28-babynyń 5-bóligi, 146-babynyń 2-bóliginiń 1-tarmaǵy (Azaptaýǵa kómektesý) kináli dep tanydy.

Sottalýshylarǵa quqyq qorǵaý organdarynda qyzmet atqarý quqyǵynan 3 jyl merzimge, bas bostandyǵyn 3 jyldan 4 jylǵa deıingi merzimge aıyrý túrindegi jaza taǵaıyndaldy.

Jábirlenýshiniń moraldyq zııandy óteý týraly azamattyq talaby ishinara qanaǵattandyryldy.

Sot úkimi zańdy kúshine engen joq.