Atyraýda tún ortasynda tóbeleskender qamaýǵa alyndy

<p>Atyraýda tez taǵam daıyndaıtyn dámhanada eki jigit arasynda janjal týyndaǵan. Keıin olar kóshege shyǵyp, tóbelesken, dep habarlaıdy Kazinform.&nbsp;</p>

Atyraý oblystyq polıtsııa departamenti baspasóz qyzmetiniń málimetine súıensek, janjal 30 jeltoqsanda saǵat 00:50 shamasynda bolǵan.

«Tez taǵam daıyndaıtyn dámhananyń birinde 1996 jáne 1999 jylǵy eki jigit janjaldasqan. Ózara sózge kelispegen olar kóshege shyǵyp, jol boıynda tóbelesken. Patrýldik polıtsııa batalonynyń qyzmetkerleri jedel-izdestirý sharasyn júrgizip, quqyq buzýshylardy ustady», - dep habarlady oblystyq polıtsııa departamentiniń baspasóz qyzmeti.

Janjaldasqandar jaraqat almaǵan. Biraq, olar qoǵamdyq tártipti buzǵany úshin QR Ákimshilik quqyq buzýshylyq týraly kodeksiniń 434-babymen ákimshilik qamaýǵa alyndy. Jınaqtalǵan is qujattar sotqa joldanady.

Eske sala ketelik, budan buryn Atyraýda tún ortasynda toptyq tóbeleske qatysqan 3 adam ustalǵanyn jazǵan edik.

Keıin meıramhana aldyndaǵy toptyq tóbelesten eki bozbala jaraqat alǵanyn habarlaǵan bolatynbyz.

Sondaı-aq, Atyraýda kolledjdiń birinshi kýrsynda oqıtyn stýdent soqqyǵa jyǵyldy.