Atyraýda tún ortasynda eki kólik soqtyǵysyp, 6 adam aýrýhanaǵa jetkizildi

<p>Atyraý qalasynda túngi ortasynda eki kólik soqtyǵysyp, 6 adam aýrýhanaǵa jetkizildi, dep habarlaıdy <a href="Kazinform" target="_blank" rel="noopener">Kazinform</a>.</p>

Oblystyq polıtsııa departamenti aspasóz qyzmetiniń aqparatyna súıensek, jol-kólik oqıǵasy 15 qarashada túngi saǵat 00:30 shamasynda bolǵan.

«Atyraý qalasyndaǵy Ábilhaıyr han jáne K.Mádenov kósheleriniń qıylysynda Kia Corento men Renault avtokólikteri soqtyǵysty. Jol apatynyń saldarynan 6 adam zardap shekti. Onyń ekeýi – kólik júrgizýshileri, al, tórteýi kólikte otyrǵan jolaýshylar. Túrli dene jaraqatyn alǵan 6 adam jedel-járdem brıgadasynyń kóligimen aýrýhanaǵa jetkizildi», -dep habarlady departamenttiń baspasóz qyzmeti.

Polıtsııa qyzmetkerleri jol-kólik apatynyń sebebin anyqtaý úshin tıisti is-qujattar jınaqtap jatyr.

Eske sala ketelik, budan buryn Atyraý oqýshylary kólik júrgizýshilerine jol erejesin saqtaý týraly hat joldaǵanyn jazǵan bolatynbyz.

Atyraý qalalyq polıtsııa basqarmasy patrýldik polıtsııa batalony komandıriniń orynbasary Ersin Qojahmetovtiń pikirinshe, oqýshylardyń haty jol erejelerin saqtamaıtyn júrgizýshilerge oı salýy múmkin.

«Qymbatty júrgizýshi aǵaı, qoǵamdyq kóliktiń qyzmetin kúndelikti paıdalanamyz. Onymen jumysqa, sabaqqa baramyz, úıge qaıtamyz. Kólikti abaılap júrgizseńiz, barlyǵymyz aman bolamyz. Apattan saq bolý – óz qolyńyzda! Saparyńyz sátti bolǵaı», - dep jazǵan oqýshynyń biri.