Atyraýda tirkelmegen saılaýshylar qalaı daýys beredi

<p>ATYRAÝ. KAZINFORM&nbsp;&mdash; Atyraý oblysynda referendýmda daýys berý 274 ýchaskesinde ótip jatyr.</p>

Atyraý oblystyq aýmaqtyq referendým komıssııasynyń málimetinshe, daýys berý quqyǵyna ıe azamattardyń sany — 411 880.

Daýys berýdiń ashyqtyǵy men zańdylyǵyn baqylaıtyn 7 uıym akredıttelgen. 

«Búgin óńirde 283 referendým komıssııasy jumys isteıdi. Onyń 9-y — aýmaqtyq, 274-i — ýchaskelik. Jalpy komıssııalarda 2037 múshe bar. Daýys berý protsessi vahtalyq qalashyqtar da ótip jatyr. Bul jumysty 38 ýchaskelik komıssııa júzege asyrady. Barlyq ýchaske materıaldyq-tehnıkalyq jabdyqtarmen qamtamasyz etilgen», -dep habarlady oblystyq aýmaqtyq komıssııadan.

Atyraý qalasy men aýdandarda múmkindigi shekteýli jandar úshin 100-ge jýyq ınvataksı uıymdastyrylǵan. Sondaı-aq, 15-ke jýyq sýrdoaýdarmashy bar.

Ýchaskelerge taktıldi belgiler ornatylǵan. Kózi nashar kóretin saılaýshylar aýdıonusqany tyńdaǵannan keıin trafaretpen qamtamasyz etilgen.

«Tirkeýi joq, sol sebepti eshbir ýchaskede tizimge enbegen azamattardyń daýys berý úshin ýchaskege tirkelýge, daýys berýge múmkindigi bar. Bul qyzmet Atyraý qalasyndaǵy 5 ýchaskede kórsetiledi», -dep málim etti oblystyq aýmaqtyq referendým komıssııadan. 

Eske sala ketelik, budan buryn Atyraý oblysynda referendýmda daýys beretin turǵyndar sany kóbeıgenin jazǵan edik.