Atyraý oblysynda tótenshe jaǵdaı jarııalandy

<p>ATYRAÝ. KAZINFORM &ndash; Atyraý oblysynda tabıǵı sıpattaǵy tótenshe jaǵdaı jarııalandy. Búgin oblys ákimi osyndaı sheshim qabyldady.&nbsp;</p>

«Atyraý oblysynyń aýmaǵynda tabıǵı sıpattaǵy tótenshe jaǵdaı jarııalansyn. Oblys ákiminiń jetekshilik etetin orynbasary tabıǵı sıpattaǵy tótenshe jaǵdaıdy joıý basshysy bolyp taǵaıyndalsy. Oǵan tabıǵı sıpattaǵy tótenshe jaǵdaıdy joıýǵa baǵyttalǵan is-sharalardy júrgizý tapsyrylsyn», - delingen oblys ákiminiń sheshiminde. 

Buǵan deıin mundaı tótenshe jaǵdaı Qyzylqoǵa jáne Jylyoı aýdanynda jarııalanǵan. Qazir eki aýdanda da tótenshe jaǵdaı saqtalyp otyr. 

Oblystyq jedel shtabtyń málimetinshe, Qulsary qalasyndaǵy «Atyraý», «Dostyq», «Mıras», «Jadyrasyn», «Mereı», «Shuǵyla», meshit mańy aýylynan 31 naýryzdan beri 29 545 adam qaýipsiz jerge evakýatsııalanǵan. Onyń 7 396-sy bala. Evakýatsııalyq pýnktterge 8 011 adam ornalastyryldy. Olardyń 4 578-i – balalar. 

Eske sala ketelik, budan buryn Atyraý oblysynda evakýatsııalaý úshin 15 myń oryn daıyndalǵanyn jazǵan edik. 

Tasqyn sý qaýpi Qulsary qalasynyń 7 shaǵyn aýdanyna tónip turǵanyn habarlaǵan bolatynbyz. 

«Teńiz» kenishindegi vahtalyq qalashyqqa 6,5 myńnan astam adam evakýatsııalandy.