Atyraýda Táýelsizdik kúni qarsańynda 73 otbasyna jańa baspana berildi

<p>ATYRAÝ. KAZINFORM &ndash; Táýelsizdik kúni qarsańynda Atyraý qalasynda 70 otbasy jańa qonysqa kóshti. Olar osy kezge deıin apatty dep tanylǵan úıde turǵan.&nbsp;</p>

Atyraý qalasynyń ákimi Shákir Keıkınniń aıtýynsha, 67 otbasy «Modern» jáne «Latıfa» turǵyn úı keshenderinen jańa páter berilgen.

– Bıyl jyl basynan beri Atyraý qalasynda 350-den astam jańa páter berildi. Oǵan apatty úılerdi panalap kelgen, áleýmettik turmysy tómen otbasylar men kezekte turǵan turǵyndar qonystandy. Bul – turǵyndardyń ál-aýqatyn arttyrýǵa baǵyttalǵan memlekettik baǵdarlamalardyń jemisi. Turǵyndardy jańa baspanamen qamtý baǵytyndaǵy jumys aldaǵy jylda da jalǵasyn tabady, - deıdi Shákir Keıkın.

Foto: Atyraý qalalyq ákimdigi

Sondaı-aq Atyraý qalasynyń mańyndaǵy Damby jáne Aspa aýyldarynan birneshe otbasy jańa qonysqa kóshirildi. Olarǵa Zaroslyı aýylyndaǵy jańadan salynǵan jeke úıler berilgen. 

Foto: Atyraý qalalyq ákimdigi

Aspa aýylynan jańa qonysqa kóshken turǵynnyń biri – Dármııa Shyńǵalıeva. 

Eske sala ketelik, buǵan deıin Atyraýda elektr jelilerin jańǵyrtý qalaı júrip jatqanyn habarlaǵan bolatynbyz.