Atyraýda suıytylǵan gaz saqtaıtyn parktiń 5,5 mlrd teńgelik aktsııasy qaıtarylǵan
Básekelestikti qorǵaý jáne damytý agenttiginiń baspasóz qyzmetinen málim etkendeı, atalǵan parktiń Atyraý munaı óńdeý zaýytymen tehnologııalyq baılanysy bar.
«Óıtkeni, munaı óńdeý zaýytynda óziniń rezervýarlyq parki bolǵan joq. Suıytylǵan munaı gazynyń barlyq kólemi «Suıytylǵan munaı gazyn saqtaý parki» JShS-niń rezervýarlarynda saqtaldy. Bul monopolııaǵa jáne ústem jaǵdaıdy teris paıdalanýǵa ákeldi. Buǵan deıin Atyraý munaı óńdeý zaýyty suıytylǵan munaı gazyn saqtaý parki aktsııalarynyń 50 paıyzyna ıelik etken. Monopolııaǵa qarsy tergeý qorytyndysy boıynsha kompanııaǵa 1,6 mlrd teńge aıyppul salyndy. Sot talqylaýlarynyń nátıjesinde «Suıytylǵan munaı gazyn saqtaý parki» JShS aktsııalarynyń 50 paıyzy memlekettik menshikke qaıtaryldy. Bul aktsııa 5,5 mlrd teńgege baǵalandy», — dep habarlady agenttiktiń baspasóz qyzmeti.
Eske sala ketelik, Atyraý oblysynda 38 mln teńgeniń múlki memleketke qaıtarylǵanyn habarlaǵan bolatynbyz.