Atyraýda sý tasqynynan búlingen 25,6 shaqyrym jol men 6 kópir jóndelip jatyr
Atyraý oblystyq jolaýshylar kóligi jáne avtomobıl joldary basqarmasynyń bas mamany Nuraly Ábıshannyń aıtýynsha, kóktemde Oıyl, Jem jáne Jaıyq ózenderi tasyǵan kezde Qyzylqoǵa, Jylyoı, Inder, Mahambet aýdandary men Atyraý qalasynda jol men kópirlerge zaqym kelgen.
«Sý tasqyny kezinde búlingen joldyń uzyndyǵy 25,4 shaqyrymdy quraıdy. Jol boıyndaǵy 6 kópir jaramsyz bolyp qaldy. Jyl sońyna deıin jol men kópirlerdi qalpyna keltirý jumystary deıin aıaqtalady», - deıdi Nuraly Ábıshan.
Onyń aıtýyna qaraǵanda, jóndeý jumystaryn júrgizý kezinde sý basqan ýchaskelerge qosymsha sý ótkizgish qubyrlar salynady.
«Jóndeý jumystaryna bastalǵanymen, Atyraý-Inder avtomobıl jolynda kólik qozǵalysyna shekteý joq. Tas joldyń júrýge jaramsyz aýmaǵyna aınalma jol salyndy. Qazir atalǵan trassadaǵy 44 shaqyrym joldyń jıegi men 3 shaqyrym jol jabyndysy qalypqa keltirilip jatyr. Bul jumysqa 17 tehnıka bólinip, 24 jumysshy jumyldyryldy. Atalǵan jumystardy «Atyraý joldary», «Qazaqdorstroı» JShS júrgizýdi qolǵa aldy», - dep málim etti Nuraly Ábıshan.
Eske sala ketelik, buǵan deıin Qulsaryda sý tasqynynan zardap shekkender úshin jańa shaǵyn aýdan salynyp jatqanyn jazǵan edik.