Atyraýda sý basqan úıler dezınfektsııalanyp jatyr
12:45, 25 Sáýir 2024
<p>ASTANA. KAZINFORM – Atyraý oblysy ákiminiń baspasóz hatshysy Rýslan Jumaǵazıev óńirdegi sý tasqyny saldaryn joıý jumystary týraly baıandady.</p>
Jylyoı aýdanynda 1,6 mln tekshe metr sý soryldy, bul jumystarǵa 3 myńnan astam adam, 116 tehnıka, 120 sý aıdaý quraly jumyldyrylǵan.
24 sáýirdegi jaǵdaı boıynsha 1615 jeke úıden sý buryldy, onyń ishinde 70 úıdi dezınfektsııalaý jumystary júrgizildi
«Taǵy 75 turǵyn úı elektrmen jabdyqtaýǵa qosylyp, 262 úıde gazben jabdyqtaý jańartyldy. Sý tasqynynan qaza tapqan mal úshin zalaldy óteýge ótinimderdi tirkeý boıynsha jumys bastaldy. Zalaldy baǵalaý jáne tóleý jónindegi komıssııa 2 432 ótinish qabyldady, nysandardy tehnıkalyq tekserý jumystary júrgizilip jatyr», - dedi R. Jumaǵazıev Ortalyq kommýnıkatsııalar qyzmetinde.