Atyraýda shomylý maýsymy qashan bastalady

<p>ATYRAÝ. KAZINFORM &ndash; Atyraý qalasynda Jaıyq ózeniniń sýy shekti deńgeıge deıin tómendegen joq. Sol sebepten shomylý maýsymynyń qashan bastalatyny belgisiz bolyp otyr.&nbsp;</p>

Atyraý oblystyq tótenshe jaǵdaılar departamenti azamattyq qorǵanys basqarmasynyń bastyǵy Baqyt Ablanovtyń aıtýynsha, Jaıyq ózenindegi sý deńgeıiniń tómendemegenine baılanysty shomylý maýsymynyń ashylý ýaqyty belgisiz merzimge yǵystyryldy. 

«Ótken jyly Atyraý oblysy ákimdiginiń sheshimimen 46 shomylý orny anyqtalǵan edi. Onyń altaýy Inder men Jylyoı aýdandarynda, ózgesi Atyraý qalasynyń aýmaǵynda ashylǵan bolatyn. Al, bıyl shomylý maýsymynyń ashylýy belgisiz merzimge shegerildi. Óıtkeni, Jaıyq ózenindegi sý deńgeıiniń tómendeý kórsetkishi áli turaqtaǵan joq. Sol sebepten, sýdyń tómendeýin kútýge týra keledi. Sodan soń ózen jaǵalaýy men sý arnasynyń túbin turmystyq, ózge de qoqystardan tazartý jumysy uıymdastyrylady. Dál qazirgi ýaqytta ashyq sý aıdyndarynda shomylýǵa qatań tyıym salynady», - dedi Baqyt Ablanov. 

Eske sala ketelik, budan buryn Atyraý oblysynda sýǵa shomylý kezeńi maýsymnyń úshinshi onkúndiginde bastalatynyn jazǵan edik.