Atyraýda shetel azamatynan aqsha bopsalaǵan kúdiktiler ustaldy

<p>Atyraýda belgisiz bireýler shetel azamatynan 1 mln 100 myń teńge talap etip, kúsh kórsetken, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

Atyraý oblystyq polıtsııa departamentiniń baspasóz qyzmetinen málim etkendeı, bopsalaýshylar 15 jeltoqsanda ustalǵan.

«Uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharasyn júrgizip, Ózbekstan Respýblıkasynyń 30 jastaǵy azamatyn kúsh qoldaný arqyly zańsyz ustaǵan kúdiktilerdi ustady. Olar Atyraý qalasyndaǵy jaldamaly páterlerdiń birinde sheteldikti uryp-soǵyp, 1 mln 100 myń teńgeni bopsalap, bank esepshottaryna aýdarýdy talap etken. Túrli dene jaraqatyn alǵan jábirlenýshi aýyr hálde aýrýhanaǵa jetkizilgen. Kúdiktiler 1987 jáne 1991 jylǵy Ózbekstan jáne Qazaqstan Respýblıkasynyń azamattary qamaýǵa alyndy», - dep habarlady departamenttiń baspasóz qyzmeti.

Qazir kúdiktilerge qatysty QR Qylmystyq kodeksiniń 194-babynyń 2-bóligimen, 126-babynyń 2-bóligimen sotqa deıingi tergep-tekserý bastaldy. Ustalǵan kúdiktilerge «kúzetpen ustaý» túrindegi bultartpaý sharasy qoldanyldy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.

«Qazaqstan Respýblıkasy Konstıtýtsııasynyń 77-baby 3-tarmaǵynyń 1-tarmaqshasy, QR Qylmystyq-protsestik kodeksiniń 19-baby 1-bóligine sáıkes adamnyń kináli ekendigi zańdy kúshine engen sot úkimimen tanylǵansha ol jasalǵan qylmysqa kináli emes dep esepteledi», - dep málim etti departamenttiń baspasóz qyzmetinen.