Atyraýda Saryózek kanalynan 80 keli ólgen shabaq jınaldy

<p>ATYRAÝ. KAZINFORM — 21 shildede áleýmettik jelilerde Atyraý oblysy Mahambet aýdany Beıbarys aýylynda ornalasqan Saryózek arnasynda balyq qyrylǵany týraly aqparat tarady.  </p>

Bul derek boıynsha quzyrly memlekettik organdar, jergilikti atqarýshy organǵa, sondaı-aq ǵylymı uıymdarǵa jedel túrde habarlandy.

Foto: AShM

Jaıyq-Kaspıı oblysaralyq basseındik balyq sharýashylyǵy ınspektsııasynyń basshylyǵy men Atyraý qalasy boıynsha ekologııa departamentiniń ókilderi, Beıbarys aýyly ákimdiginiń, sondaı-aq ǵylymı uıym men «Qazsýshar» RMK ókilderinen qurylǵan komıssııa balyq qyrylǵan jerge shyqty.

Shabaqtardyń qyrylýy týraly aqparat rastaldy. Ólgen shabaqtardyń jalpy salmaǵy — shamamen 80 kg.

Jergilikti atqarýshy organdar sanıtarlyq normalardy saqtaı otyryp, ólgen shabaqtardy jınap, joıdy.

Foto: AShM

Shabaqtardyń qyrylýyna Saryózek kanalyndaǵy sýdyń tómen deńgeıi sebep boldy (sýdyń tereńdigi — 40-50 sm). Atyraý oblysy ekologııa departamenti zerthanalyq zertteý júrgizý úshin sý synamasyn aldy.

Balyq qorǵaý qyzmetkerlerimen, jergilikti atqarýshy organdardyń, balyq sharýashylyǵy sýbektileriniń ókilderimen, eriktilermen birlesip balyq shabaqtaryn qutqarý jumystary júrip jatyr. 

Foto: AShM

Qutqarylǵan shabaqtar — sazan, taban, kókserke, jaıyn jáne usaq móńke balyqtary, ortasha salmaǵy — 12-14 gramm, sany 100 myńnan asady.

Qazirgi ýaqytta sý qoımasynda shabaqtardy qutqarý jumystary jalǵasyp jatyr.