Atyraýda ruqsatsyz jumys istegen 13 sheteldik 92 myń teńgeden aıyppul tóledi

<p>ATYRAÝ. KAZINFORM &ndash; Atyraý oblysynda 13 sheteldiktiń ruqsatsyz jumys istegeni anyqtaldy. Sheteldikterdiń árqaısysyna 92 myń teńge aıyppul salyndy.</p>

Qyzylqoǵa aýdandyq sotynda bir kúnde Ózbekstan Respýblıkasynyń 13 azamatyna qatysty ákimshilik is qaraldy. Kórshiles elden kelgen sheteldikter QR Ákimshilik quqyq buzýshylyq týraly kodeksiniń 517-babynyń 5-bóligin buzǵan. 

«Ózbekstan Respýblıkasynyń 13 azamaty Qazaqstan Respýblıkasy aýmaǵyna kelý jáne onda bolý qaǵıdalarynyń talaptaryn saqtamaı, eńbek qyzmetin júzege asyrýǵa tıisti ruqsat qujattardy almastan jumys istegeni anyqtaldy. Sot otyrysynda 13 shetel azamaty óz kinásin moıyndady. Ózderine qatysty el sheginen shyǵaryp jiberýmen baılanysty emes jaza túrin taǵaıyndaýdy surady», -dep habarlady aýdandyq sottan. 

Sot qaýlylarymen Ózbekstan Respýblıkasynyń 13 azamaty qujattyń joǵaryda kórsetilgen babymen kináli dep tanyldy. Sheteldikterdiń árqaısysyna 92 myń teńge mólsherinde ákimshilik aıyppul salyndy.

Sot qaýlylary zańdy kúshine endi.

Eske sala ketelik, budan buryn Atyraýda Reseı azamattyǵyn alǵanyn habarlamaǵan áıelge 516 myń teńge aıyppul salynǵanyn habarlaǵan edik.