Atyraýda Reseı azamattyǵyn alǵanyn habarlamaǵan áıelge 516 myń teńge aıyppul salyndy

<p>ATYRAÝ. KAZINFORM &ndash; Atyraýlyq áıel 2021 jyly Reseı Federatsııasynyń azamattyǵyn alǵan. Alaıda, bul týraly ishki ister organyna habarlamaǵan.</p>

Osy derekke baılanysty Atyraý qalasynyń ákimshilik quqyq buzýshylyqtar jónindegi mamandandyrylǵan sotynda QR Ákimshilik quqyq buzýshylyq týraly kodeksiniń 496-babynyń 2-bóligi (Qazaqstan Respýblıkasynyń zańnamasynda belgilengen merzimderde shetel azamattyǵyn alý faktisin habarlamaý) boıynsha azamatsha Ch.-ǵa qatysty ákimshilik quqyq buzýshylyq týraly is qaraldy. 

«Azamatsha Ch. 2021 jyly Reseı Federatsııasy azamattyǵynyń tólqujatyn alǵan. Keıin kúntizbelik 30 kún ishinde shetel azamattyǵyn alý faktisi týraly Qazaqstan Respýblıkasynyń ishki ister organdaryna nemese Qazaqstan Respýblıkasynyń shet elderdegi mekemelerine habarlamaǵan. Qazaqstan Respýblıkasy azamatynyń pasportyn nemese jeke kýáligin tapsyrmaǵan. Ch.-nyń kinási sot otyrysynda zerttelgen is materıaldarymen, ákimshilik quqyq buzýshylyq týraly hattamamen, saýalnama hattamasymen rastaldy», - dep habarlady sottan. 

Sot qaýlysymen Ch. ákimshilik quqyq buzýshylyq jasaǵany úshin kináli dep tanylyp, oǵan 516 880 teńge mólsherinde ákimshilik aıyppul salyndy. 

Sot qaýlysy zańdy kúshine engen joq. 

Eske sala ketelik, buǵan deıin Atyraýda 9 mln teńge aıyppulyn tólemeı júrgen júrgizýshi ustalǵanyn habarlaǵan edik.