Atyraýda pırotehnıkadan órt shyǵyp, 9 qabatty úıdiń syrty janyp ketti

<p>Atyraýda kópqabatty úıden órt shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a> oblystyq TJD baspasóz qyzmetine silteme jasap.&nbsp;</p>

1 qańtar túngi 2:33 shamasynda Atyraý qalasy Nursaıa yqshamaýdany Elorda dańǵyly boıynda ornalasqan úıdiń qaptamasynan órt shyqqany týraly habar túsken. 

Shaqyrtý ornyna jetken órt sóndirýshiler 9 qabatty «Family» turǵyn úıiniń syrtqy qamtamasynyń ashyq otpen janyp jatqanyn anyqtady.

Mamandar shuǵyl túrde órt sóndirý jumysyn júrgizip, jalynnyń turǵyndar turatyn bóligine ulasýyna jol bermedi.

Tilsiz jaýdan 9 qabatty turǵyn úıdiń 250 sharshy metr bolatyn syrtqy qamtamasy (polıfasad) janyp ketti.

«Órt saǵat 03:17-de oqshaýlanyp, 03:19-de tolyq sóndirildi. Zardap shekkender joq. Órttiń shyǵý sebebi anyqtalyp jatyr. Qurmetti atyraýlyqtar, órt qaýipsizdigi talaptaryn qatań saqtaýdy suraımyz» dep habarlady TJD baspasóz qyzmeti. 

Áleýmettik jelide jalynnyń pırotehnıkadan shyqqany týraly boljamdar aıtylyp jatyr. 

Aıta keteıik, otty sóndirýge TJD 53 qyzmetkeri, 8 tehnıka jumyldyryldy.