Atyraýda ózinen 3 jas úlken jigitten 1 mln teńge bopsalaǵan kúdikti ustaldy

<p>ATYRAÝ. KAZINFORM &ndash; Atyraý turǵyny ózinen 3 jas úlken jigitten 1 mln teńge bopsalaǵan. Polıtsııa qyzmetkerleri kúdiktini 100 myń alyp jatqan sátte ustady.</p>

Atyraý oblysytyq polıtsııa departamentiniń baspasóz qyzmetinen málim etkendeı, uıymdasqan qylmysqa qarsy is-qımyl basqarmasynyń qyzmetkerleri jedel izdestirý is-sharasy kezinde kúdiktiniń 1 mln teńge bopsalaǵanyn anyqtady. 

«Kúdikti 27 jastaǵy azamatty jeke basyna qatysty beınematerıaldardy áleýmettik jelige taratamyn dep qorqytqan. Kúdikke ilingen 24 jastaǵy jigit jábirlenýshiden 100 myń teńge kóleminde aqsha alý kezinde ustaldy. Qazir kúdikti qamaýǵa alyndy», -dep habarlady departamenttiń baspasóz qyzmeti. 

Polıtsııa qyzmetkerleri kúdiktige qatysty qylmystyq is qozǵady. Sotqa deıingi tergeý bastaldy. 

Eske sala ketelik, budan buryn Atyraýda zańsyz aınalymnan 7,8 tonna prekýrsor tárkilengenin habarlaǵan bolatynbyz.