Atyraýda ózin-ózi órtegen er adam 81 paıyz kúıikpen aýrýhanaǵa tústi

<p>Atyraý oblysynda 63 jastaǵy er adam ózin-ózi órtep jiberdi. Sonyń saldarynan denesiniń 81 paıyzyn kúıik shaldy. Qazir oblystyq aýrýhanada jatyr, dep habarlaıdy Kazinform.&nbsp;</p>

Atyraý oblystyq polıtsııa departamenti baspasóz qyzmetiniń málimetine súıensek, bul oqıǵa Maqat aýdanynda bolǵan.

«Maqat aýdandyq polıtsııa bólimine Dossor kentiniń B.Aımaǵambetov kóshesindegi turǵyn úıdiń janynda er adamnyń ózin-ózi órtegeni týraly habar tústi. Polıtsııa qyzmetkerleri ózin-ózi órtegen atalǵan aýdannyń 1961 jylǵy turǵyny ekenin anyqtady», - dep habarlady departamenttiń baspasóz qyzmeti.

Belgili bolǵandaı, ózine órt qoıǵa er adam bıyl zeınet jasyna tolady eken. Biraq, oyń mundaı oqys qadamǵa ne úshin barǵany belgisiz.

Oblystyq densaýlyq saqtaý basqarmasynyń baspasóz qyzmetinen málim etkendeı, ózin-ózi órtegen adam 14 qańtarda keshki saǵat 20:15-te Atyraý oblystyq aýrýhanasynyń qabyldaý bólimshesine jetkizilgen.

«Dárigerler er adamnyń densaýlyq jaǵdaıyn jiti tekserildi. Qazir naýqas jansaqtaý bólimshesine jatyr. Onyń jaǵdaıy aýyr, denesiniń 81 paıyzyn joǵary kúıik shalǵan», -dep málim etti basqarmanyń baspasóz qyzmeti.

Eske sala ketelik, budan buryn Atyraýda turǵyn úıde gaz jarylyp, 5 adamdy kúıik shalǵanyn jazǵan edik.

Keıin kúıik shalǵan er adam qaıtys bolǵanyn habarlaǵanbyz.

Bir kúnnen soń kúıip qalǵan ekinshi adam qaıtys boldy. Sondaı-aq, úsh aılyq sábı aýrýhanada kóz jumdy.