Atyraýda órtengen meıramhananyń shatyry opyrylyp tústi

<p>ATYRAÝ. KAZINFORM &ndash; Atyraý qalasynda órtengen meıramhananyń shatyry opyrylyp tústi.</p>

Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, meıramhanadaǵy órt týraly 30 mamyrda saǵat 21:15-te habar berilgen.

«Atyraý qalasynda Sh.Ýálıhanov kóshesindegi eki qabatty meıramhana órtendi. Oqıǵa ornyna órt sóndirý bólimsheleri jetken kezde eki qabatty kópfýnktsıonaldy keshenniń janyp jatqany anyqtaldy. Meıramhananyń jalpy aýmaǵy – 2750 sharshy metr. Jalyn 280 sharshy metr aýmaqty sharpydy. Órttiń saldarynan ǵımarattyń 25 sharshy metr shatyry opyrylyp tústi», - dep habarlady departamenttiń qoǵammen baılanys toby. 

Órt saǵat 22:30-da oqshaýlanyp, 10 mınýttan soń tolyq sóndirildi. Jalyndy sóndirýge 58 adam, 13 birlik tehnıka jumyldyryldy.

Foto: Atyraý oblystyq TJD

«Meıramhanadaǵy órttiń tutaný sebebi anyqtalady. Turǵyndar men túrli nysan ıelerinen órt qaýipsizdigi erejelerin qatań saqtaýdy suraımyz», -dep málim etti departamenttiń qoǵammen baılanys tobynan.

Eske sala ketelik, budan buryn Qulsaryda qaıtys bolǵan órt sóndirýshini tok soqqanyn habarlaǵan bolatynbyz.