Atyraýda oqýshylar bıoplastıkten bahıla jasap shyǵardy

<p>Atyraýlyq mektep oqýshylary bıoplastıkten bahıla jasady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Jibek Joly telearnasyna silteme jasap.&nbsp;</p>

9 synypta oqıtyn Adııa men Áıgerimge bul ıdeıa aıaq-astynan kelgen. Qııaldaǵy jobany eki oqýshy áýeli qaǵazǵa túsirip, jetekshilerine kórsetken. Osylaısha, jas ǵalymdar aımaqtyń qolaısyz aýa-raıyna ári ekologııasyna paıdaly bahılany oılap tapty. Ony óndirý úshin arnaıy qospalar qoldanǵan.  

«Qazirgi ýaqytta qoldanysta bıopaketter bar, biraq bahıllalar joq. Jaýyn-shashyndy kúnderi balshyqtan arylmaıtyn Atyraý úshin mundaı ekologııalyq taza bahıllanyń paıdasy kóp. Biz muny óndirý úshin krahmal men glıtserındi qoldandyq. Jobany júzege asyrýǵa Abaı ortalyǵy janyndaǵy JasSpace keńistigi múmkindik berdi», - deıdi jas ǵalym Ádııa Eńsepova. 

Foto: atpress.kz

Joba jetekshisi Ásel Ońdasheva Atyraýdyń Abaı ortalyǵyndaǵy STEAM kýrsy oqýshylary úshin tegin ekenin aıtady. Qazir munda 6 myńnan asa tálimger bar. Olar túrli kýrstarǵa qatysyp, ǵylymı jobalarmen aınalysyp júr. 

«Bizde neshe túrli proektter bar. Kóp jaǵdaıda bizder ekologııa taqyrybyn alamyz. Ózderińz bilesizder, bizdiń aımaq óte zııandy qaldyqtarǵa toly. Sondyqtan aýanyń lastaný faktisi jıi kezdesedi. Búginde balalarymyz túrli prodýktsııalardy jasap jatyr», - deıdi ol. 

Jas ǵalymdardyń jańa bastamasyn qoldaıtyn ınvestor da tabylǵan. Joba sátimen júzege assa, bolashaqta atyraýlyqtardyń ekobahılany qoldanatyn kúni de alys emes.