Atyraýda oblysynda iz-túzsiz joǵalǵan eki jigittiń múrdesi tabyldy

<p>ATYRAÝ. KAZINFORM &ndash; Atyraýda oblysynda eki jigittiń biri 6 kún buryn, ekinshisi keshe iz-túzsiz joǵalyp ketken.&nbsp;</p>

Atyraý oblystyq tótenshe jaǵdaılar departamenti qoǵammen baılanys tobynyń málimetinshe, joǵalǵandardyń biri 23 mamyrda Jylyoı aýdanynyń Shoqpartoǵaı aýylynan jeke qaıyǵymen balyq aýlaýǵa barǵan. Al, Mahambet aýdanyndaǵy Aqjaıyq aýylynda turatyn ekinshi jigit 28 mamyrda mal jaıýǵa shyqqan.  

«Búgin 29 mamyrda saǵat 15:55-te jedel-qutqarý jasaǵynyń qutqarýshylary Jylyoı aýdanynda jolǵalǵan 1991 jylǵy er adamnyń múrdesin Qamyskól kólinen shyǵaryp, polıtsııa qyzmetkerlerine tapsyrdy. Al, saǵat 16:15-te Mahambet aýdanynyń Aqjaıyq aýylynan óriske mal aıdap shyqqan 26 jastaǵy jigittiń múrdesi Jaıyq ózeninen jaıylmaǵa shyqqan tasqyn sýdan tabyldy», - dep málim etti departamenttiń qoǵammen baılanys toby. 

Joǵalǵan jigitterdi izdeýge Atyraý oblysynyń tótenshe jaǵdaılar departamentinen, aýdandyq polıtsııa bólimi men jergilikti organnan 24 adam, 6 tehnıka, 4 motorly qaıyq tartylǵan. 

«Qazir óńirdegi sý aıdyndarynda, ásirese Jaıyq ózeninde sý deńgeıiniń kóterilýi áli turaqtaǵan joq. Ózen sýy arnasynan asyp, jaıylmaǵa tarady. Osyǵan baılanysty oblys turǵyndary men qonaqtardy sý tasqyny kezinde qaýipsizdik sharalaryn saqtaýǵa shaqyramyz. Jaıyq ózeninde aǵyspen aǵyp kelgen qoqystar, aǵash qaldyqtary jáne basqa zattardyń adam ómirine qaýipti ekenin eskertemiz», - dep habarlady departamenttiń qoǵammen baılanys toby. 

Eske sala ketelik, budan buryn Atyraý oblysynda iz-túzsiz joǵalǵan eki jigit tabylmaı jatqanyn jazǵan edik.