Atyraýda nasybaıdy zańsyz satqan sheteldik azamat ustaldy

<p>ATYRAÝ. KAZINFORM &ndash; Atyraýdaǵy saýda ortalyǵynda nasybaıdy zańsyz satqan shetel azamaty ustaldy. &nbsp;</p>

Prezıdent Atyraýda ótken Ulttyq quryltaıdyń úshinshi jıynynda nasybaı atýdy densaýlyqqa zııan ári uıat ádettiń biri retinde dep ataǵan edi.

«Onyń qalaı jasalatyny – belgili, eshqandaı sanıtarlyq talap saqtalmaıdy. Quramynda túrli dertti, sonyń ishinde onkologııalyq aýrýlardy qozdyratyn zattar bar. Nasybaıdy óndirýge jáne taratýǵa 2015 jyly tyıym salynǵan. Biraq áli kúnge deıin kóshede, tipti azyq-túlik dúkenderinde ashyq satylyp jatyr. Quqyq qorǵaý mekemeleri eshqandaı shara qoldanyp jatqan joq», - dedi Prezıdent.

Atyraý oblystyq polıtsııa departamentiniń baspasóz qyzmetinen málim etkendeı, 18 naýryzdan beri «Nasybaı» jedel profılaktıkalyq is-sharasy ótip jatyr. 

«Іs-sharanyń maqsaty – temeki ónimderine jatpaıtyn nasybaıdy satýǵa tıym salý. Nasybaıdy zańsyz saýdalaýdyń jolyn kesý. Atyraý qalasyndaǵy Avangard shaǵyn aýdanynda ornalasqan saýda ortalyqtarynyń birinde Ózbekstan Respýblıkasy azamatynyń nasybaıdy zańsyz satqany anyqtaldy. Sheteldikten arnaıy paketke salynǵan 340 nasybaı alyndy», - dep habarlady departamenttiń baspasóz qyzmeti. 

Qazir zańsyz saýdamen aınalysqan 29 jastaǵy sheteldikke qatysty tıisti is qujattary jınaqtalyp jatyr. 

Eske sala ketelik, budan buryn Atyraý turǵyny úıinde fıtozerthana jabdyqtap, qarasora ósirgenin habarlaǵan edik.