Atyraýda moped júrgizýshileriniń kesirinen 6 adam mert bolyp, 70-i jaraqat alǵan

<p>ATYRAÝ. KAZINFORM &ndash; Atyraý qalasynda jyl basynan beri moped júrgizýshileriniń kesirinen 148 jol-kólik oqıǵasy tirkelgen. Jol apatynyń saldarynan 6 adam mkóz jumyp, 70 jolaýshy aýrýhanaǵa jetkizilgen.</p>

Atyraý qalalyq Polıtsııa basqarmasy patrýldik polıtsııa batalony komandıriniń orynbasary Óser Jáńgirhannyń aıtýynsha, moped, skýter, elektrosamokat júrgizetin jastar kóbeıgen.

«Alaıda, olar jol qozǵalysy erejelerin tolyq bilmeıtindikten, jol boıyndaǵy apatty jaǵdaı men qaıǵyly oqıǵaǵa sebepker bolyp júredi. Máselen, bıyl jyl basynan beri Atyraý qalasynda moped júrgizýshileriniń kesirinen 148 jol-kólik oqıǵasy tirkeldi. Jol apatynyń saldarynan 70 adam túrli dene jaraqatymen aýrýhanaǵa jetkizildi. Al, 6 adam qaza tapty. Mopedti paıdalanatyn 1587 myńnan astam adam ákimshilik jaýapkershilikke tartyldy. Arnaýly aıyp turaǵyna 429 elektrli kólik quraly qoıyldy», - deıdi Óser Jáńgirhan.

Onyń pikirinshe, mopedti júrgizý kezinde qyraǵy bolý qajet. Kóliktiń jyldamdyǵyn, jol belgileri men tańbalardyń talaptaryn qatań saqtaǵan jón. Sondaı-aq shlemsiz júrýge bolmaıdy.

Eske sala ketelik, budan buryn Atyraýda polıtseıden eskertý alǵan júrgizýshi 3 jolaýshymen birge jol apatynan kóz jumǵanyn habarlaǵan edik.