Atyraýda mektep-ınternattyń aýlasynda munaıǵa uqsas suıyqtyq aǵyp jatyr
Atalǵan bilim ordasynyń basshylary bul týraly oblystyq ekologııa departamentine habar bergen.
«Byltyrdan beri mektep janynda topyraqtyń betine suıyqtyq shyǵyp jatyr. Bastapqyda az mólsherde shyqty. Ony ózimiz topyraqpen kómgen edik. Biraq, bıyl suıyqtyq qaıta shyǵyp, aýmaǵy úlkeıip barady», - deıdi bilim ordasynyń dırektory Lıda Kóshenova.
Atyraý oblystyq ekologııa departamenti basshysynyń mindetin atqarýshy Erlan Esenvotiń pikirinshe, bul mazýt bolýy múmkin.
«Buryn mektepter suıyq otynmen jylytyldy. Qazir bilim ordalary tabıǵı gaz jelisine qosyldy. Al, atalǵan janynda aǵyp jatqan suıyqtyq burynǵy jylytý qazandyǵynan qalǵan suıyq otyn bolýy múmkin dep topshyladyq», - deıdi Erlan Esenov.
Departamenttiń baspasóz qyzmetinen málim etkendeı, mamandar munaı tárizdes suıyqtyq aǵyp jatqan aýmaqtaǵy topyraqtan synama alǵan.
Eske sala ketelik, budan buryn Atyraýdyń mańynda aqqý men úırek, qarǵa ólip jatqanyn jazǵan bolatynbyz.