Atyraýda mehanızator, mashınıst, qurylysshylar memlekettik nagradaǵa ıe boldy

<p>ATYRAÝ. KAZINFORM &ndash; Atyraýda Konstıtýtsııa kúnine oraı bir top eńbek adamy memlekettik nagradaǵa ıe boldy. Olardyń arasynda mehanızator, mashınıst pen qurylysshylar bar.&nbsp;</p>

Atyraý oblysynyń ákimi Serik Shápkenov Konstıtýtsııa kúnine oraı ótken is-sharada túrli sala qyzmetkerlerine memlekettik nagradalardy tapsyrdy. Prezıdent Jarlyǵymen nagradaǵa ıe bolǵandardyń bári – qarapaıym eńbek adamdary.

Máselen, «Qurmet» ordenimen «Atyraý joldary» JShS-niń mehanızatory Qaırat Aıtmuhambetov pen «ErLı» JShS sarapshysy Silemǵalı Smaǵulov marapattaldy. Ekeýi de biraz jyldan beri qurylys salasyn damytýǵa qosqan eleýli úles qosyp júr.

Foto: Atyraý oblysy ákimdigi

Al, ІІІ dárejeli «Eńbek Dańqy» ordeni «BatysAlıansStroı» JShS mashınısi Rahymjan Qazıevke berildi. «TSG Construction» JShS-niń ýchaske basshysy Baýyrjan Jumaǵalıev, «BatysStroıServıs» JShS-niń ınjener-qurylysshysy Syrym Moldaǵalıev pen «Pavlodar ózen porty» AQ-nyń ýchaske sheberi Baýyrjan Nurǵalıev, eńbek ardageri Tólep Orynbasarov «Eren eńbegi úshin» medaline ıe boldy.

Foto: Atyraý oblysy ákimdigi

Sondaı-aq, Jylyoı aýdany ákimdiginiń ekonomıka jáne qarjy bóliminiń bas mamany Gúljaına Dúıisova, Inder aýdanynyń ákimi Daryn Shamuratov pen oblys ákimi apparaty uıymdastyrý-ınspektorlyq bóliminiń bas mamany Marfýǵa Shapabaeva «Úzdik memlekettik qyzmetshi» atandy. Atyraý oblystyq perınataldyq ortalyǵynyń akkýsher-gınekology Maqsat Týǵanbaevqa, ortalyq dırektorynyń orynbasary Merýert Aıdarhanovaǵa, atalǵan ortalyqtaǵy jansaqtaý bóliminiń meńgerýshisi Álisher Abatovqa «Densaýlyq saqtaý isiniń úzdigi» tósbelgisi berildi.

Eske sala ketelik, buǵan deıin Atyraý stýdentteri Konstıtýtsııany jatqa aıtýdan saıysqa túskenin habarlaǵan edik.