Atyraýda mas sheteldiktiń kesirinen tórt kólik soqtyǵysty

<p>Atyraýda mas sheteldiktiń kesirinen tórt kólik soqtyǵysty. Jol apatynyń saldarynan ár túrli jaraqat alǵan jolaýshylar aýrýhanaǵa jetkizildi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atyraý oblystyq polıtsııa departamenti baspasóz qyzmetiniń málimetine súıensek, jol-kólik oqıǵasy keshe, 26 qarashada bolǵan.

«Jergilikti ýaqytpen keshki saǵat 19:20 shamasynda Atyraý-Dossor baǵytyndaǵy tas jolynyń «Shyǵys» bazary tusynda tórt avtokólik soqtyǵysty. Jol-kólik kólik oqıǵasynyń saldarynan Toyota Camry jáne Chevrolet Lacetti markaly avtokólikterdiń jolaýshylary túrli dene jaraqatyn aldy. Zardap shekken jolaýshylar oblystyq aýrýhanaǵa jetkizildi», - dep habarlady departamenttiń baspasóz qyzmeti.

Polıtsııa qyzmetkerleri Toyota Ipsum kóligin aıdaǵan Ózbekstan Respýblıkasynyń azamaty mas kúıde bolǵanyn anyqtady. Sheteldik júrgizýshiniń alkogoldik ishimdik ishkeni medıtsınalyq saraptama qorytyndysymen dáleldengen.

Qazir jol apatyna, mas sheteldik júrgizýshige qatysty tıisti is qujattary jınaqtalyp jatyr.

Eske sala ketelik, budan buryn Atyraýda júk kóligimen ınspektordyń aıaǵyn basyp, polıtsııadan qashqan júrgizýshi oq atyp toqtatylǵanyn habarlaǵan bolatynbyz.

Keıin jol apatynan jaıaý adam men júrgizýshi mert bolǵanyn jazǵan edik.