Atyraýda lıtsenzııasyz bilim berý qyzmetimen aınalysqan seriktestik anyqtaldy

<p>ATYRAÝ. KAZINFORM &ndash; Atyraýda jaýapkershiligi shekteýli seriktestigi 1 qyrkúıekten beri lıtsenzııasyz jáne tıisti ruqsatsyz bilim berý qyzmetimen aınalysyp kelgen. Sot qaýlysymen seriktestik aıyppul arqalady.</p>

Atyraý qalalyq ákimshilik quqyq buzýshylyqtar jónindegi mamandandyrylǵan sotynda seriktestiktiń zańsyz qyzmetine qatysty QR Ákimshilik ákimshilik quqyq buzýshylyq týraly kodesiniń 463-babynyń 1-bóligi (Lıtsenzııasyz kásipkerlik qyzmetpen aınalysý) is qaraldy.

– ️QR «Bilim týraly» jáne «Ruqsattar jáne habarlamalar týraly» Zańdaryna sáıkes, bilim berý qyzmetin júzege asyrý úshin lıtsenzııa jáne ruqsattyń bolýy talap etiledi. Alaıda JShS-niń 2024 jyldyń 1 qyrkúıeginen bastap lıtsenzııasyz jáne tıisti ruqsatsyz bilim berý qyzmetimen aınalysyp, 2024-2025 oqý jylyna 318 oqýshyny qabyldaǵany anyqtaldy. JShS-niń ákimshilik quqyq buzýshylyq jasaǵany is-materıaldarymen dáleldendi, - dep habarlady oblystyq sottyń baspasóz qyzmeti.

Sot qaýlysymen JShS-ǵa QR Ákimshilik ákimshilik quqyq buzýshylyq týraly kodesiniń 463-babynyń 1-bóligimen 64 610 teńge ákimshilik aıyppul salyndy. Bul – salynǵan aıyppuldyń jalpy somasynyń 30 paıyzy.

Sot qaýlysy zańdy kúshine endi.

Eske sala ketelik, budan buryn Atyraýda 2 balabaqsha esepshileri bıýdjet qarjysyn jeke esepshotqa aýdaryp jibergenin habarlaǵan bolatynbyz.