Atyraýda kóshedegi tóbelesten 30 jastaǵy jigit kóz jumdy

<p>ATYRAÝ. KAZINFORM &mdash; Atyraý qalasynda kúndiz kóshede eki jigit ózara kelise almaı, sońy tóbeleske ulasqan. Tóbelestiń saldarynan 30 jasqa tolǵaly otyrǵan jigit oqıǵa ornynda kóz jumdy.</p>

Bul derekti oblystyq polıtsııa departamentiniń baspasóz qyzmeti rastady. Tóbeles 20 qańtarda bolǵan.

«Atyraý qalasyndaǵy shaǵynaýdanda 1983 jáne 1994 jylǵy eki er adam ózara sózge kelip, sodan soń tóbelesken. Janjal kezinde 1994 jylǵy jigit dene jaraqatyn alǵany anyqtaldy. Jaraqat alǵan er adam qaıtys boldy» dep málim etti departamenttiń baspasóz qyzmetinen.

Qazir atalǵan janjalǵa baılanysty Qylmystyq kodekstiń 106-babynyń 3-bóligimen sotqa deıingi tergeý amaldary júrgizilip jatyr.

Qylmys jasaǵan kúdikti ustalyp, qamaýǵa alyndy.

Tóbeleske ne sebep bolǵany belgisiz. Búkil mán-jaı tergeý kezinde anyqtalady.

Eske sala ketelik, budan buryn Atyraýda tún ortasynda tóbeleskender qamaýǵa alynǵanyn habarlaǵan edik.