Atyraýda kópir ústindegi jol apatynan 4 adam kóz jumdy

<p>ATYRAÝ. KAZINFORM &ndash; Atyraý qalasynda kópirdiń ústinde eki kólik soqtyǵysyp, tórt adam mert boldy. Bir jolaýshy aýrýhanaǵa jetkizildi. &nbsp;</p>

Atyraý qalalyq polıtsııa basqarmasynyń málimetine qaraǵanda, jol apaty búgin, 10 naýryz kúni saǵat 01:40 shamasynda bolǵany anyqtalyp otyr.

«Atyraý qalasyndaǵy Jaıyq ózeniniń qos jaǵalaýyn jalǵaıtyn kópirdiń ústinde Lada Granta jáne Infinity avtokólikteri soqtyǵysty. Jol-kólik oqıǵasynyń saldarynan Lada Granta avtokóliginiń rólinde bolǵan 1998 jylǵy júrgizýshi men 3 jolaýshy oqıǵa ornynda kóz jumdy. Túrli dene jaraqatyn alǵan bir jolaýshy jedel járdem brıgadasynyń kóligimen Atyraý oblystyq aýrýhanasyna jetkizildi», - dep habarlady qalalyq polıtsııa basqarmasynan. 

Qazir polıtsııa qyzmetkerleri tıisti is qujattaryn jınaqtap jatyr. Jol apatynyń sebebin anyqtalady.

Eske sala ketelik, buǵan deıin Atyraý oblysynda jol apatynan eki kólik órtenip, bir adam kóz jumǵanyn jazǵan bolatynbyz.