Atyraýda kópqabatty úıdegi páterdi qasaqana órtegen kúdikti ustaldy

<p>ATYRAÝ. KAZINFORM &ndash; Búgin Atyraý qalasynda kópqabatty úıdiń páteri órtendi. Polıtsııa qyzmetkerleri páterdi qasaqana órtegen kúdiktini ustady.&nbsp;</p>

Atyraý oblystyq polıtsııa departamentiniń baspasóz qyzmeti kúdiktiniń ustalýyna qatysty derekti rastady. 

«Turǵyn úıdegi órt deregi boıynsha kúdikti anyqtalyp, ustaldy. Qazir qylmystyq is tirkeldi. Kúdiktige qatysty keshendi tergeý amaldaryn júrgizý bastaldy. Ózge aqparat tergeý múddesine sáıkes jarııalaýǵa jatpaıdy», - dep málim etti departamenttiń baspasóz qyzmeti.

Eske sala ketelik, buǵan deıin Atyraýda qasaqana órtelgen páterden 70 jastaǵy áıeldiń múrdesi tabylǵanyn jazǵan edik. 

Oblystyq tótenshe jaǵdaılar departamentiniń qoǵammen baılanys tbynan habarlaǵandaı, órt týraly búgin, 25 qyrkúıekte túnigi saǵat 03:03-te habar túsken.

Munaıly shahardyń Almagúl shaǵyn aýdanyndaǵy 6 qabatty turǵyn úıdiń 1-qabatyndaǵy páter órtengen. Jalyn saǵat 03:44-te sóndirilgen. Órtten 67 adam, onyń ishinde 36 bala qaýipsiz aýmaqqa evakýatsııalanǵan. 

«Órtengen páterden 1954 jyly týǵan áıel adamnyń denesi tabyldy. Marqumnyń 1994 jylǵy ulyn kúıik shalyp, aýrýhanaǵa jatqyzyldy. Órttiń aldyn ala sebebi – qasaqana órteý», - dep málim etti departamenttiń qoǵammen baılanys tobynan.