Atyraýda kompanııa aýlasynda turǵan avtobýs túgi qalmaı janyp ketti

<p>ATYRAÝ. KAZINFORM &ndash; Atyraýda kompanııa aýlasynda turǵan avtobýs otqa orandy. Órttiń saldarynan qalmaı janyp ketti</p>

Atyraý oblystyq tótenshe jaǵdaılar departamenti qoǵammen baılanys tobynyń aqparatyna qaraǵanda, órt búgin, 29 sáýirde bolǵan. 

«Departamenttiń dıspetcherlik pýltine búgin saǵat 15:08-te Atyraý qalasyndaǵy Z.Qabdolov kóshesinde ornalasqan mekemeniń aýlasynda turǵan «Yutong» markaly avtobýstyń órtengeni habarlandy. Órt sóndirýshiler shaqyrtý ornyna jedel jetip, jalyndy sanaýly mınýtta oqshaýlady. Jalyn saǵat 15:20 tolyqtaı sóndirildi», -dep habarlady departamenttiń qoǵammen baılanys toby. 

Kólik órtin sóndirýge Atyraý oblystyq tótenshe jaǵdaılar departamentiniń 6 qyzmetkeri men men 1 tehnıkasy jumyldyryldy.

«Jyl basynan beri 34 kólik órti tirkeldi. Bul ótken jyldyń osy kezeńindegi kórsetkishten 6 derekke kóp. Osyǵan baılanysty júrgizýshilerden osyndaı oqıǵanyń aldyn alý úshin órt qaýipsizdigin qatań saqtaý suralady», -dep málim etti departamenttiń qoǵammen baılanys tobynan. 

Eske sala ketelik, buǵan deıin Atyraý oblysynda júk kóligindegi 22 tonna maqta túgi qalmaı órtenip ketkenin jazǵan bolatynbyz.